cantares de reis

Cabalgata Reis 2015.

O día 5 de xaneiro de 2015 un centenar de nenos e nenas e veciños de Boimorto congregáronse polas rúas principias do Concello para ver pasar os Reis Magos que repartiron caramelos e os bos desexos o seu paso. Os Reis previamente acudiron facer unha visita na Residencia A Magdalena de Andabao e a Residencia Municipal en Boimorto. Remataron no polideportivo no que agasallaron a todos nenos/as con chuches e cun pequeno detalle.

 

Certame de Cantares de Reis de Boimorto

 O de 3 de xaneiro ÁS 16:30 celebrouse, un ano máis, o XI Certame de Cantares de Reis de Boimorto. O Certame é unha mostra de cantares tradicionais de reis, onde o bo facer de cada unha das cuadrillas, a harmonía e o empeño común de manter viva a nosa tradición é o mellor premio. Participaron 19 xugadas procedentes de todo o país galego que fixeron as delicias dos amantes do noso canto tradicional.

I Encontro Peninsular Arredor dos Cantares en Tempo de Reis

Este ano quixemos darlle unha volta máis no disfrute da nosa tradición e convocamos este Encontro, o día 10 de xaneiro, que se caracterizou por ser un acto aberto á participación e o seu obxectivo foi o de reflexionar, compartir, debater e gozar arredor dos cantares e costumes en Tempos de Reis.  Contamos coa participación de: Giani Ginesi (Cataluña), José Larrinaga (Euskadi), José Antonio Alonso e Joaquín Díaz pola Meseta, Domingos Morais (Portugal), Cristina Sánchez Carretero e Xesús Mato Mato (Galicia).

I Encontro Peninsular Arredor dos Cantares en Tempo de Reis

A tradición dos Reis permaneceu viva ata hai pouco tempo en Boimorto, e en  toda a comarca, é por iso que dende hai dez anos vense celebrando un certame de cuadrillas de Cantares de Reis que comezou sendo concurso e rematou por ser mostra. Paralelamente convocáronse concursos de recolla de folclore arredor deste tempo e publicáronse un libro cd con recollas de toda Galicia e posteriormente editouse un cd con cantos de Nadal e Reis gravado polas cuadrillas participantes na mostra.

Pages

Subscribe to RSS - cantares de reis