Deporte

 

O departamento de deportes do Concello de Boimorto, encabezado pola Excma. Alcaldesa Ana Ledo Fernández e estructurado polo técnico de deportes, ten como obxetivo fundamental promover e fomentar a actividade física e deportiva e facela accesible a toda a cidadanía, creando hábitos de vida saudables, promovendo a educación en valores, mellorando a calidade de vida e favorecendo a socialización.

A oferta deportiva está orientada a toda a poboación, dende a máis nova ata a adulta. As actividades están estructuradas por tramos de idade, comezando cos máis cativos (Educación Infantil) en modalidades como psicomotricidade, pequebaile e proseguindo en niveis posteriores con diversas actividades como: patinaxe, fútbol sala, bádminton e multideporte ata os 16 anos. No campo da actividade física para adultos o programainclúe ximnasia de mantemento, levada ata as diversas parroquias do Concello, ó Centro de Maiores e á Miniresidencia e Centro de Día, pilates e cursos de natación. Con esto, trátase de cumplir o obxectivo de chegar ata tódolos interesados.

En temporada estival a programación muda co tempo, organizando actividades no medio acuático, campais, excursións, sendeirismo e nunca esquecendo a esencia do proxecto: fomentar a actividade física no Concello.

Anualmente teñen lugar unha serie de eventos deportivos de gran acollida, como a Carreira Pedestre Popular e Canicross que neste ano xa vai pola súa 8ª edición, a Festa do Neno, o Torneo de Fútbol 5, o Torneo de Tenis, as competicións deportivas en idade escolar e a clausura das escolas deportivas municipais, entre outros. Todo esto e máis, fan deste pequeno Concello un gran núcleo activo.

O Concello dispón de infraestructuras e instalacións para a práctica de diversas modalidades deportivas en distintos lugares e parroquias do municipio. Conta cun punto céntrico, Boimorto, onde se atopan o Pavillón Polideportivo Municipal rodeado de dúas pistas exteriores descubertas multiusos e tenis. Conta tamén con dous Campos de Fútbol de herba natural preto de onde se ubica a Piscina Municipal que se dispón rodeada dunha grande área recreativa con parque e merendeiro. Cabe salientar que o Concello tamén dispón dun Ximnasio con diversas máquinas de musculación e cardiovasculares.

En definitiva, a realidade técnica deste Concello é promover o deporte Para Todos, sin discriminación de idade, sexo, condición física e social, recoñecendo o dereito a moverse, a xogar, á alegría e á sociabilidade.

Novas

Eventos

27/07/2017 - 22:00 a 28/07/2017 - 21:59 Semana Cultural - "Maimiño" Cine de Verán
25/07/2017 - 00:00 a 23:59 Semana Cultura - Festa do Santiago Apostol
24/07/2017 - 17:00 a 25/07/2017 - 19:59 Semana Cultural - Festa do neno
03/07/2017 - 10:00 a 22/07/2017 - 12:59 Campamento Urbán: “Boimorto Olímpico” (4 a 12 anos)
23/06/2017 - 12:00 a 11/09/2017 - 19:59 Piscina Municipal
03/09/2016 - 00:00 a 23:59 X Carreira Pedestre e Canicross Popular
25/08/2016 - 09:30 Ecoparque de Marín e praia
29/07/2016 - 16:30 a 19:30 Festa Acuática
24/07/2016 - 17:00 a 25/07/2016 - 19:59 Festa do Neno
09/07/2016 - 00:00 a 23:59 A Cunca D'Ouro