Os arqueiros de Boimorto, tanto os nenos coma os adultos, que veñen de conseguir varios trofeos no torneo celebrado o pasado mes de febreiro en Betanzos van participar no VI Trofeo Concello de Teo que se celebrará nese Concello o vindeiro sábado 9 de marzo.
Mais os exitos dos Boimortenses no acaban aqui, xa que o pasado 23 de febreiro, levouse a cabo no I.E.S. Sardiñeira (A Coruña) a 4ª xornada da II Liga Adarve de equipos na que os 2 equipos de boimorto acadaron o 2º e 6º posto.

Boimorto celebrará os próximos 6 e 7 de abril de 2013 unha gran feira denominada MAGRECO, un evento no que contaremos cuns 40 postos de artesanía e produtos ecolóxicos que expoñerán e venderan os seus produtos, uns 25 expositores de maquinaria moderna e uns 20 tractores antigos que farán rememorar o comezo da modernización do campo. Contaremos ademais con actividades para os máis pequenos da casa (obradoiros, xogos populares,...), cata de produtos ecolóxicos e un concurso condución de tractor para adultos e pequenos.