O Concello de Boimorto convoca para o día 3 de Xaneiro de 2016 o XII Certame de Cantos de Reis. Poderán participar cuadrillas de mozos/as, vellos/as ou nenos/as que se inscriban no Concello de Boimorto antes do día 24 de Decembro de 2015, chamando ó 981516 020, ou ben, mandando un correo ó enderezo silvia.cea@boimorto.es.

O día 5 de xaneiro, os Reis Magos visitarán Boimorto. Ás 18:00 horas chegarán ó polideportivo para repartir agasallos para todos/as os/as cativos/as, no seu percorrido polo centro de Boimorto os Reis estarán acompañados dunha personaxe infantil. Dende as 17:30 haberá música, xogos e baile para todos no polideportivo. Para rematar contaremos cunha sorpresa para todos os asistentes.