Un ano máis estamos a poñer en marcha un novo Certame de Cantares de Reis e xa son horas de dar novas del. Este ano pensamos que a data é ideal, pois o 4 de xaneiro cadra sábado. O plan que propoñemos ás cuadrillas é chegar quen queiran pola mañá arredor das once e iren cantar polas parroquias un pouco para quentar motores e recordarlle á xente que é tempo de Reices.
Ás duas da tarde teremos un xantar para todas as cuadrillas participantes no Certame. Polas cinco comezará a mostra e a cantata. Este ano contaremos co Mago Antón que amenizará os intermedios das actuacións da cuadrillas e teremos mostras de artesanía.
As bases do X Certame.