Coa intención de que sirva de precedente convocamos para o día 10 de xaneiro o I Encontro Arredor dos Cantares de Reis. Contaremos como mínimo coas exposicións de sete amigos dos cantares de Reis e das expresións do folclore que nos darán unha visión destes cantares e costume dende as diferentes culturas peninsulares.

Nin que dicir ten que se trata de xente de recoñecido prestixio no tema e que veñen dispostos a compartir, debater e gozar desta tradición tan nosa e tan de moitas outras culturas.

Despois do éxito do ano pasado imos realizar de novo un Belén vivente na igrexa parroquial de Boimorto, será o domingo 28 de decembro.

Contaremos cos nenos e nenas que escenificarán o Belén e cun concerto de Nadal.

Comezaremos a partir 17 horas.